Alinea 20 Parket bij de Hoge Raad 11 mei 1973

Eerst te weten Hontslo Noertoestwaerrt of dat Heydiep van Bomer, Zuutwaert of dat Heydiep van Greveningen, Zuutwestwairt of Wellevliet, Herkinghe, ende die Riere Noertwestwairt of mit anders allen horen toebehoren, also groot, ene also cleyn, als die dair nu gelegen syn of hier namaels worden mogen, om of te bediken, alst hem genuecht, also vele, als hem nut, ende orbair sal duuncken, tot enen corenlande, ende tot enene moerlande tot synre orbair, ende profyt, dez sal hi in den voirgenoemden mogen moeren, ende delven, of vercopen te moeren, of ment dair in voirde, also vele, als hem genuegen sal, mar dair sullen wy altyt die helft of hebben, ende des sal hi den brant vry hebben van onser Heerlicheit wegen. Voirt sal hi, ende syn nacomelingen hier in hebben, ende behouden ambochts, ende ambochts gevolch, tienden, muelen, ende visscherien, vogelrien, ghiften van kerken, ende mit anders allen sinen toebehoren, hoe dattt genoemt mach wesen, mit allen boeten tot zeven scellinge toe, ende van allen brucken, ende forfayten boven zeven scellinge, dair sullen wy die een helfte, o hebben, ende Gheryt voirsz. die ander helft, ende Gheryt voirsz. sal dair in setten, ende ontsetten also dicke, als hem genuegen, ende orbair sal duncken, Scouten, Scepenen, Dycgraven, ende alle Rechteren om dese voirsz. lande mede te bedriven, ende te bewaren na recht, ende costume des lands van den Oude Hoerne, behoudelic ons dair in te hebben, ende te behouden onse hoge Heerlicheit. Welc ambocht voirsz. Gheryt voirsz. ende syn nacomelingen van ons, ende van onsen nacomelingen, Heren van Voerne, houden sullen tot enen onversterfliken erfken. End dese lande voirsz. sullen vry wesen van ons, ende van onsen erven van allen beden, sente ende heervaerden zeven jaer lang, na dattet eerst koern draget, ende daren tenden salt tot sulken dienst, beede, ende score, alst van den Ouden Hoerne voirsz. staet na synre grote van des in den voirscreven landen bedyct worden, behoudelic dat Gheryt voirsz. ende syn nacomelingen van allen vroen, ende jairscote tot ewigen dagen vry wesen sullen, ende hier of bekennen wy ons van Gheryt voirsz. ende hi ons in onse hant gegeven heeft, wail voldaen, ende berailt den eersten penninc mitten lesten, behoudelic, dat hi, ende syn nacomelingen ons, ende onsen nacomelingen, Heren van Voerne, alle jaer van den landen, ende goeden voirsz. wrreyken, gheven, ende betalen sullen vier ende tseventich goede gouden Engelssche nobel, die elc wegen sal vyftalf Ingels, of paymet hore waerde an anderen goeden goude, ende paymente , te betalen alle jaer die een helfte dair of op Sinte Jans dach decollatio, ende d'ander helfte te Kersavont daer naestvolgende, dair die eerste dach, ende terine van betalingen of wesen sal nu tot Sinte Jans dach decollatio naestcomende, ende so voert van jaer te jear tot ewigen dagen toe duerende, ende tot wat tide dat van desen voirsz. landen, of gorssen bedyct worden, also als voirscreven staet, so sal Gheryt voirsz. of syn erven, of nacomelingen ons, of onsen erven, of nacomelingen, Heren van Voerne, dan jairlix daer of meer gheven, ende schuldich wesen dertiendalven noblen payments voirsz. die hi, ende syn erven ons, of onsen erven, ende nacomelingen, Heren van Voirne, wtreyken, gheven, ende betalen sullen ten dagen voirscreven ten ewigen dagen toe duerende. Ende waert sake, dat Gheryt voirsz. of syn erven, of nacomelingen ons, of onsen erven, of nacomelingen, Heren van Voerne, of onsen Rentemeester van den lande van Voirne tot onser behoef, die nu is, of namaels wesen fal, dit voirsz. ghelt ten dagen voirsz. niet en betaelde, als voirsz. is, so sollen sullen wy, of onse erve, of nacomelingen, Heren van Voirne, of onse Rentemeester van onse hant mogen slaen an den landen, ende goeden voirsz. ter tyt doe dat wy van onsen gebreken, ende afterstalle voirsz. wail betaelt, of vernuecht syn, sonder argelist. In oirconde enz. Gegheven ten Briele XVII. dagen in Februario, in 't jaer ons Heren M. CCCC. ende twintich, na den lope van onsen hove.

$ curl -s https://bron.page/api/v1/blobs/9714e90f74416abc8c81e6c4fc8d9a6c1ccb8cee39a854d5dde1cd55a2c8dadf | shasum -a 256